Заавар
AI-аар цээж зураг хийх
Сүүлд шинэчилсэн: 2026 оны 10-р сарын 16
AI-аар цээж зураг хийх хоёр арга бий: ChatGPT, Gemini зэрэг ерөнхий зориулалтын AI-д селфигээ оруулж prompt (AI-д өгөх бичгэн заавар) бичих, эсвэл цээж зурагт зориулсан үйлчилгээ ашиглах. Аль ч тохиолдолд гэрэл сайтай, эгц урдаас авсан селфи хамгийн чухал.
1. ChatGPT, Gemini-д ашиглах prompt
Селфигээ хавсаргаад доорх prompt-ыг хуулж оруулаарай. AI англи хэлийг илүү сайн ойлгодог тул англи хувилбарыг зөвлөж байна. Хувцас, дэвсгэрийн өнгийг хүссэнээрээ сольж болно.
Turn this selfie into a professional headshot for a CV. Keep my face exactly the same: face shape, eyes, nose, skin tone and age. Dark navy suit, white shirt, plain light grey background, soft studio lighting, head-and-shoulders framing, looking straight at the camera, 3:4 portrait format.
Энэ селфиг CV-д зориулсан мэргэжлийн цээж зураг болго. Нүүрийг минь яг хэвээр нь үлдээ: нүүрний хэлбэр, нүд, хамар, арьсны өнгө, нас. Хар хөх костюм, цагаан цамц, цайвар саарал энгийн дэвсгэр, студийн зөөлөн гэрэл, мөрнөөс дээш, камер руу эгц харсан, 3:4 харьцаатай босоо зураг.
Гарсан зургийг эх селфитэйгээ заавал харьцуулаарай. Нүүр өөрчлөгдсөн бол «Keep my face exactly the same» гэдгийг онцлоод дахин оролдоорой.
Ерөнхий AI ашиглахад анхаарах зүйл
- Нүүрийг өөрчилж, өөр хүн шиг болгох нь бий — үүнийг өөрөө л шалгана.
- Хувцас, дэвсгэр, гэрэл бүрийг prompt-оор тайлбарлаж, хэд хэдэн удаа оролдох хэрэгтэй болдог.
- Монгол дээлийг хятад хувцас шиг зурах нь бий.
- 3×4 хэмжээгээр тайрч, хэвлэх хуудсаа өөрөө бэлдэнэ.
2. Prompt-гүй арга: tseejzurag.mn
Селфигээ оруулаад хувцсаа (костюм, задгай захтай цамц, хүрэм, дээл), дэвсгэрээ (саарал, цэнхэр, цагаан, бараан) сонгоход л болно. Гарсан зураг бүрийг таны эх зурагтай тулгаж шалгадаг. Эхлээд үнэгүй харж, таалагдвал ₮9,900-өөр усан тамгагүй HD зураг болон 3×4 хэвлэх хуудсаа авна.
| ChatGPT, Gemini | tseejzurag.mn | |
|---|---|---|
| Prompt бичих | Тийм — өөрөө бичиж, дахин дахин оролдоно | Үгүй — хувцас, дэвсгэрээ сонгоно |
| Нүүр хэвээр эсэх | Өөрөө нүдээрээ шалгана | Гарсан зураг бүрийг эх зурагтай тулгаж шалгадаг |
| Дээл | Өөрөө тайлбарлана | Бэлэн сонголт |
| 3×4 хэвлэх хуудас | Өөрөө тайрч бэлдэнэ | Төлсний дараа бэлэн |
| Үнэ | Үнэгүй хувилбар нь хязгаартай | Эхлээд үнэгүй харна, таалагдвал ₮9,900 |
Аль аргыг сонгосон ч сайн селфигээс эхэлнэ: утсаараа цээж зураг авах заавар.
Мэргэжлийн цээж зургаа нэг минутад
Селфигээ оруулахад AI түүнийг костюм, хүрэм эсвэл дээлтэй, цэвэр дэвсгэртэй мэргэжлийн цээж зураг болгоно. CV, LinkedIn, ажлын анкетад тохирно.
Үнэгүй туршаад үзээрэй. Таалагдвал л төлнө.
Түгээмэл асуулт
- AI-аар хийсэн цээж зургийг CV-д ашиглаж болох уу?
- Болно, гэхдээ зураг таныг бодитоор харуулах ёстой. Ажлын ярилцлагад ирэхэд ажил олгогч таныг шууд таних хэрэгтэй тул нүүр өөрчлөгдсөн зургийг бүү ашиглаарай.
- Зураг над шиг гарах уу?
- Нүүрний хэлбэр, онцлог тань хэвээр үлдэнэ — бид гэрэл, хувцас, дэвсгэрийг л засна. Гэхдээ AI арьсыг арай гэгээлэг, гөлгөр болгож болно. Тиймээс төлөхөөсөө өмнө эх зурагтайгаа харьцуулж үзээрэй: таалагдахгүй бол төлөх шаардлагагүй.
- Паспорт, иргэний үнэмлэхэд болох уу?
- Үгүй. Паспорт, иргэний үнэмлэх, виз зэрэг төрийн баримт бичгийн зурагт тусгай шаардлага тавьдаг тул манай зургийг ашиглахгүй байхыг зөвлөж байна. Анкет, бүртгэл, ажилд орох материалд зориулсан. Тодорхой газарт өгөх бол тэдний шаардлагыг урьдчилж асуугаарай.
- Зургийг минь хэн харах вэ? Хэр удаан хадгалах вэ?
- Таны зургийг зөвхөн цээж зураг хийхэд ашиглана. Төлөөгүй урьдчилсан зураг 48 цагийн дараа, бусад нь 7 хоногийн дараа автоматаар устана.